Karamuço: Investimi 4 miliardë dollarësh në Vlorë ishte “halë në sy” për vende të rajonit

Eksperti i njohur i kriminalistikës, Ervin Karamuço, ka kritikuar ashpër investimin prej 4 miliardë dollarësh të paralajmëruar në Vlorë, duke e cilësuar atë si një “halë në sy” për interesat e vendeve të rajonit.

Në një intervistë në emisionin “Now” në Euronews Albania, Karamuço u shpreh se projekti që po promovohet në zonën e Vlorës, veçanërisht ai në Zvërnec, po zhvillohet pa transparencën e duhur dhe pa një debat të gjerë publik.

“Ka vende që nuk duan që ky investim prej 4 miliardë dollarësh të vijë në Shqipëri. Historia e familjes Trump dhe interesat për të investuar në Vlorë nuk është përtypje mirë nga disa shtete të rajonit”, deklaroi Karamuço.

Ai shtoi se fakti që familja e Presidentit amerikan Donald Trump ka shfaqur interes për këtë zonë, ka krijuar shqetësime te disa aktorë rajonalë.

“Investimi 4 miliardë dollarësh në Vlorë ishte ‘halë në sy’ për vende të rajonit. Ishte halë në sy dhe u gjet ky moment”, tha eksperti.

Karamuço theksoi se për një projekt kaq të madh duhet të ketë një debat të plotë publik, dokumentacion të qartë dhe procedura transparente, diçka që sipas tij po mungon në këtë rast.

“Duhet të ketë transparencë për pronësinë, dokumentacionin dhe procedurat që shoqërojnë investimin. Nuk mund të shkojmë me një projekt kaq të rëndësishëm pa debat publik”, u shpreh ai.

Protestat e banorëve të Zvërnecit dhe zonave përreth kanë dalë në pah vitet e fundit, pikërisht për shkak të shqetësimeve mjedisore, urbanistike dhe ekonomike që lidhen me zhvillimin e mëdhenj turistik-industrial në bregdetin e Vlorës.

Artikulli vjen në një moment kur Shqipëria po përpiqet të tërheqë investime të huaja të mëdha, por edhe përballet me kritika për mungesë transparence dhe ndikim të mundshëm të interesave gjeopolitike në projekte strategjike/Gazeta Journal/